សាលាបង្រៀនបើកបរទោចក្រយានយន្ដ អិន ស៊ី អិច

គ្រោះថ្នាក់ចរាចរណ៍នៅកម្ពុជា គឺជាបញ្ហាប្រឈមគួរឲ្យកត់ស​​ម្គាល់ ដែលបណ្តាលឱ្យមានការរងរបួស ស្លាប់ និងខាតបង់ទ្រព្យសម្បត្តិរាប់មិនអស់។ ក្នុងការចូលរួមចំណែកកាត់បន្ថយគ្រោះថ្នាក់ចរាចរណ៍ ក្រុមហ៊ុន អិន ស៊ី អិច បានបង្កើតសាលាបង្រៀនបើកបរទោចក្រក្រយានយន្ដ ចាប់តាំងពីឆ្នាំ២០០៨ ហើយចាប់តាំងពីពេលនោះមក យើងក៏បានប្តេជ្ញាចិត្ត ខិតខំលើកកម្ពស់ការយល់ដឹង អំពីសុវត្ថិភាពក្នុងការបើកបរ និងផ្តល់ការអប់រំផ្សព្វផ្សាយដល់ស្ថាប័នផ្សេងៗ ដូចជា ស្ថាបនអប់រំ អង្គការក្រៅរដ្ឋាភិបាល និងសាជីវកម្មនានា នៅទូទាំងរាជធានី ខេត្ត ក្រុង។

ក្នុងការបន្តនូវនិរន្តរភាពនៃកិច្ចខិតខំប្រឹងប្រែងរបស់យើងនោះ យើងក៏បានបង្កើតនូវកម្មវិធីដែលអាចដំណើរការរជាមួយប្រព័ន្ធទូរស័ព្ទ ដើម្បីជួយជំរុញពង្រីកការអប់រំផ្សព្វផ្សាយអំពីសុវត្ថិភាពបើកបរឱ្យកាន់ទូលំទូលាយ ដល់ប្រជាពលរដ្ឋគ្រប់លំដាប់ថ្នាក់ ហើយក្នុងកម្មវិធីនេះ ក៏មានផ្តល់នូវព័ត៌មានវគ្គបណ្តុះបណ្តាល ឯកសារសុវត្ថិភាពបើកបរ តារាងកាលវិភាគអរប់រំ និងការធ្វើតេស្តសាកល្បងសមត្ថភាពចំណេះដឹងទៀតផង។ ទន្ទឹមនឹងនេះ អតិថិជនក៏អាចមានឱកាសឈ្នះរង្វាន់ជាច្រើន ព្រមទាំងទទួលបាននូវការលើកកម្ពស់ការយល់ដឹង និងបច្ចេកទេសនៃការបើកបរដោយសុវត្ថិភាព។
​​​​​​​
គោលដៅចម្បងរបស់យើង គឺដើម្បីការពារ កាត់បន្ថយគ្រោះថ្នាក់ចរាចរណ៍ និងលើកកម្ពស់សុវត្ថិភាពក្នុងការបើកបរសាធារណៈ។