បច្ចេកវិទ្យា

Honda SENSING

គឺជាបច្ចេកវិទ្យាសុវត្ថិភាពកម្រិតខ្ពស់ដែលត្រូវបានរចនាឡើងដើម្បីជួយអ្នកបើកបរជៀសវាងហានិភ័យផ្សេងៗដែលអាចកើតមាននៅលើដងផ្លូវ។ ដោយប្រើប្រាស់ប្រព័ន្ធកាមេរ៉ាខាងមុខ អាចរកឃើញឧបសគ្គលើដងផ្លូវ និងវិភាគហានិភ័យដែលអាចកើតមាន ដោយផ្តល់ការជូនដំណឹងដល់អ្នកបើកបរ និងជួយគ្រប់គ្រងស្ថានភាព ដើម្បីជួយការពារគ្រោះថ្នាក់ផ្សេងៗ។ Honda SENSING ប្រើប្រាស់បច្ចេកវិទ្យាឆ្លាតវៃដើម្បីផ្តល់ឱ្យលោកអ្នកនូវភាពជឿជាក់កាន់តែខ្ពស់ និងទំនុកចិត្តក្នុងការបើកបរ។
មាននៅក្នុង៖ Honda CIVIC, Honda HR-V, Honda CR-V និង Honda CITY

ប្រព័ន្ធផ្ដល់សញ្ញាគ្រោះថ្នាក់ពេលមានឧបសគ្គ រឺមានអ្នកថ្មើរជើងឆ្លងកាត់ និងចាប់ហ្រ្វាំងដោយស្វ័យប្រវត្តិ (CMBS)

CMBS ជួយឲ្យការបើកបរឱ្យមានសុវត្ថិភាពដោយការផ្តល់ផ្ដល់ដំណឹងដល់អ្នកបើកបរនៅពេលមានហានិភ័យក្នុងការប៉ះទង្គិចជាមួយយានយន្តខាងមុខ អ្នកថ្មើរជើង កង់ និងម៉ូតូ។ ប្រព័ន្ធនេះប្រើប្រាស់ការជូនដំណឹងជារូបភាព និងសំឡេងដើម្បីជំរុញឱ្យអ្នកបើកបរបន្ថយល្បឿន និងថែមទាំងធ្វើឱ្យចង្កូតញ័រដើម្បីទាក់ទាញការយកចិត្តទុកដាក់របស់អ្នកបើកបរ។ ប្រសិនបើអ្នកបើកបរមិនឆ្លើយតបទាន់ពេលវេលា CMBS នឹងអនុវត្តការចាប់ហ្វ្រាំងដោយស្វ័យប្រវត្តិដើម្បីការពារ ឬកាត់បន្ថយផលប៉ះពាល់នៃការប៉ះទង្គិច។
មាននៅក្នុង៖ Honda CIVIC, Honda HR-V, Honda CR-V និង Honda CITY

ប្រព័ន្ធកំណត់ល្បឿនបើកបរ និងបន្ថយល្បឿនដោយស្វ័យប្រវត្តិតាមល្បឿនរថយន្តខាងមុខ (ACC with LSF)

ប្រព័ន្ធនេះជួយរក្សាល្បឿនថេរផ្អែកលើការកំណត់របស់អ្នកបើកបរ។ ដើម្បីរក្សាចម្ងាយសុវត្ថិភាព វាប្រើប្រាស់កាមេរ៉ារ៉ាដាដើម្បីចាប់យកល្បឿនយានយន្តនៅខាងមុខ និងកែសម្រួលល្បឿនដោយស្វ័យប្រវត្តិ។ *ប្រសិនបើអ្នកបើកបរស្ថិតក្នុងចរាចរណ៍កកស្ទះ និងធ្វើចលនាយឺតៗ ប្រព័ន្ធនេះនឹងបន្ថយល្បឿន និងអាចឈប់ទាំងស្រុងប្រសិនបើចាំបាច់។ នៅពេលចរាចរណ៍ចាប់ផ្តើមចល័តម្តងទៀត គ្រាន់តែចុចប៊ូតុងនៅលើចង្កូត ឬឈ្នាន់ល្បឿនដើម្បីបន្តការបើកបរឡើងវិញ។
មាននៅក្នុង៖ Honda CIVIC, Honda HR-V, Honda CR-V និង Honda CITY * LSF មិនអនុវត្តសម្រាប់ Honda CITY

ប្រព័ន្ធរំឮកអ្នកបើកបរអោយនៅក្នុងគន្លងផ្លូវ និងបន្តយល្បឿនស្វ័យប្រវត្តិ (RDMS with LDW)

ប្រព័ន្ធនេះប្រើប្រាស់កាមេរ៉ាមុខដើម្បីតាមដានទីតាំងរថយន្តរបស់អ្នកក្នុងគន្លងផ្លូវរឺទេ។ ប្រសិនបើប្រព័ន្ធរកឃើញថាយានយន្តរបស់អ្នកកំពុងរអិលចេញពីគន្លង វានឹងជូនដំណឹងដល់អ្នកជាមួយនឹងការបង្ហាញព័ត៏មាននៅលើអេក្រង់ និងការញ័រនៅលើចង្កូត។ ប្រសិនបើការរអិលនៅតែបន្ត ប្រព័ន្ធនឹងជួយទាញដៃចង្កូតដើម្បីនាំយានយន្តរបស់អ្នកត្រឡប់ចូលគន្លងវិញ។ ក្នុងករណីដែលការរអិលអាចនាំឱ្យមានគ្រោះថ្នាក់ ប្រព័ន្ធនឹងអនុវត្តការចាប់ហ្វ្រាំងដោយស្វ័យប្រវត្តិដើម្បីបន្ថយល្បឿនយានយន្ត និងការពារការប៉ះទង្គិច។
មាននៅក្នុង៖ Honda CIVIC, Honda HR-V, Honda CR-V និង Honda CITY

ប្រព័ន្ធផ្ដល់សញ្ញាពេលរថយន្តនៅខាងមុខមានសកម្មភាព (LCDN)

ប្រព័ន្ធនេះចាប់ចលនាយានយន្តនៅខាងមុខ។ ដូចជានៅក្នុងការកកស្ទះចរាចរណ៍ ប្រសិនបើអ្នកបើកបរឈប់នឹងថ្កល់ ហើយរថយន្តនៅខាងមុខចាប់ផ្តើមចល័ត LCDN នឹងជូនដំណឹងដោយមានសារលើអេក្រង់បង្ហាញ និងសញ្ញាសំឡេង។ តាមរយៈនេះ អ្នកបើកបរនឹងដឹងពេលណាដល់ពេលត្រូវតាមរថយន្តនៅខាងមុខ។
មាននៅក្នុង៖ Honda CIVIC, Honda HR-V, Honda CR-V និង Honda CITY

ប្រព័ន្ធជំនួយអ្នកបើកបរអោយនៅក្នុងគន្លងផ្លូវ (LKAS)

កាមេរ៉ាខាងមុខ, LKAS រកឃើញគំនូសសម្គាល់គន្លង និងកែសម្រួលការបើកបរដើម្បីជួយរក្សាឱ្យរថយន្តនៅត្រូវគន្លងរបស់ផ្លូវ។ ប្រសិនបើអ្នកចាប់ផ្តើមរអិលចេញពីគន្លង ជាពិសេសក្នុងអំឡុងពេលបើកបរផ្លូវឆ្ងាយ អាចមានអារម្មណ៍នឿយហត់ ប្រព័ន្ធនឹងបង្វែរយានយន្តត្រឡប់ទៅផ្លូវដើមវិញយ៉ាងថ្នមៗ ផ្តល់ជំនួយបន្ថែមដើម្បីរក្សាឱ្យឡានអោយនៅក្នុងគន្លងដោយសុវត្ថិភាព។
មាននៅក្នុង៖ Honda CIVIC, Honda HR-V, Honda CR-V និង Honda CITY

ប្រព័ន្ធតំឡើងទំលាក់ភ្លើងខាងមុខដោយស្វ័យប្រវត្តិ (AHB)*

ប្រព័ន្ធនេះកែសម្រួលភ្លើងមុខដោយស្វ័យប្រវត្តិសម្រាប់អ្នកបើកបរ។ ប្តូរទៅភ្លើងពន្លឺខ្ពស់នៅពេលបើកបរក្នុងស្ថានភាពងងឹត និងបន្ថយទៅជាភ្លើងពន្លឺទាបនៅពេលរកឃើញថាមានវថយន្ដបើកមកទល់មុខ ឬរថយន្តនៅខាងមុខ ធានាបាននូវទស្សនវិស័យកាន់តែប្រសើរដោយមិនធ្វើឱ្យអ្នកបើកបរផ្សេងទៀតរំខានដោយពន្លឺចាំងភ្នែក។
មាននៅក្នុង៖ Honda CIVIC, Honda HR-V, Honda CR-V និង Honda CITY