N.C.X., Co., Ltd. គឺជាក្រុមហ៊ុនមួយក្នុងចំណោមក្រុមហ៊ុនល្បីៗ និងជាក្រុមហ៊ុនឈានមុខគេដំបូងគេក្នុងវិស័យទោចក្រក្រយានយន្តក្នុងប្រទេសកម្ពុជា។ ក្រុមហ៊ុនត្រូវបានបង្កើតឡើងដំបូងក្នុងឆ្នាំ 1992 ដោយគ្រាន់តែនាំចូលផលិតផល CBU របស់ម៉ាក Honda ដើម្បីលក់នៅលើទីផ្សារ។ ជាមួយនឹងប្រជាប្រិយភាពដែលទទួលបានមកវិញ និងការគាំទ្រយ៉ាងខ្លាំង ពីសំណាក់អ្នកប្រើប្រាស់លើផលិតផលរបស់ខ្លួន។ ក្រុមហ៊ុនបានបង្កើតខ្សែសង្វាក់ផលិតកម្មខ្នាតតូចដំបូងរបស់ខ្លួននៅឆ្នាំ 1999 ដែលមានទីតាំងនៅកណ្តាលទីក្រុងភ្នំពេញ ដើម្បីប្រមូលផ្តុំម៉ូតូតាមទម្រង់ IKD ហើយនៅឆ្នាំ 2004 បានបង្កើតខ្សែសង្វាក់ផលិតកម្មធំជាទម្រង់ IKD និង IKD1 ដែលមានទីតាំងនៅជាយក្រុងភ្នំពេញ ធ្វើឱ្យក្រុមហ៊ុនបង្កើតការងារជាច្រើនសម្រាប់អ្នកក្នុងស្រុក ដែលបច្ចុប្បន្នក្រុមហ៊ុន អិន ស៊ី អិច ខូអិលធីឌី មានបុគ្គលិកជាង ១៣០០នាក់។ ក្រុមហ៊ុន អិន ស៊ី អិច បានក្លាយជាក្រុមហ៊ុនជោគជ័យ និងធំជាងគេបំផុតមួយនៅក្នុងប្រទេសកម្ពុជា ហើយមានសាខាលក់ម៉ូតូហុងដារាប់រយនៅទូទាំងប្រទេស រួមមានសាខា សាខាមីនី និងអនុសាខា។

ក្រុមហ៊ុនអិន ស៊ី អិច មិនត្រឹមតែផ្គត់ផ្គង់ម៉ូតូម៉ាកហុងដាជាច្រើនម៉ូឌែល ដូចជា Honda DREAM, Honda WAVE110, Honda BeAT, Honda ZOOMER-X, Honda SCOOPY, Honda CLICK125, Honda CLICK160, Honda PCX160, Honda ADV160 , Honda MSX GROM, Honda CB150R និង CBR150R ប៉ុណ្ណោះទេ ក្រុមហ៊ុនក៏បាននាំចូលនូវផលិតផលហុងដាផ្សេងទៀត ដូចជា រថយន្តហុងដា និងម៉ាស៊ីនកសិឧស្សាហកម្មហុងដា ដែលប្រកបដោយគុណភាពខ្ពស់ និងទំនើបឈានមុខគេ ដើម្បីបំពេញរាល់តម្រូវការរបស់អតិថិជននៅក្នុងប្រទេសកម្ពុជា។ ក្នុងឆ្នាំ២០២១ យើងបានប្រតិបត្តិអាជីវកម្មរបស់យើងក្រោមគោលគំនិតថ្មីគឺ “ WE TOGETHER” ។ នេះជាសាររបស់យើងខ្ញុំទៅកាន់អ្នក យើង អិន សុី អិច និងហុងដាតែងតែនៅក្បែរអ្នកគ្រប់គ្នាជានិច្ចទាំងក្មេង ទាំងចាស់ និងគ្រប់ដំណាក់កាលនៃដំណើរជីវិតរបស់អ្នក។ យើងនឹងនៅជាមួយអ្នកមិនថា ក្នុងកាលៈទេសៈណានោះទេ ចាប់តាំងពីគ្រាដំបូងរហូតដល់អ្នកឈានទៅគោលដៅ និងសម្រេចនូវរាល់ក្តីស្រមៃ។ ក្នុងឆ្នាំ ២០២២ យើងបានប្រតិបត្តិអាជីវកម្មរបស់យើងក្រោមគំនិតថ្មីមួយទៀត “TOMORROW TOGETHER យើងឆ្ពោះទៅមុខជាមួយគ្នា” ក្នុងន័យបង្ហាញថាក្រុមហ៊ុន អិន សុី អិច នឹងតែងតែនៅក្បែរអ្នកហើយនាំមកនូវបច្ចេកវិទ្យាកាន់តែទំនើបឈានមុខគេដើម្បីធ្វើអោយជីវិតកាន់តែប្រសើរ នឹងជួយជម្រុញសង្គមជាតិអោយឆ្ពោះទៅមុខ។ ពូួកយើងនៅតែបន្តសម្រិតសម្រាំងយ៉ាងយកចិត្តទុកដាក់លើបច្ចេកវិទ្យាដ៏ទំនើបៗ របស់ហុងដាដើម្បីឆ្លើយតបតាមតម្រូវការ និងសមស្របទៅនឹងការរីកលូតលាស់ជាដរាបរបស់សង្គមកម្ពុជា។ យើងជឿជាក់ថាបច្ចេកវិទ្យាអាចធ្វើអោយពិភពលោកទាំងមូលកាន់តែប្រសើរឡើង។ ជាច្រើនឆ្នាំមកនេះពួកយើងបានចូលរួមចំណែកដោយនាំមកនូវបច្ចេកវិទ្យាថ្មីៗ ទំនើបឈានមុខបំពេញរាល់តម្រូវការ និងសម្រួលដល់ការរស់នៅប្រចាំថ្ងៃដែលរួមមានដូចជា៖ Smart Technology ជាបច្ចេកវិទ្យាបង្កើតឡើងដោយទំនើបទាំង ៣ រួមបញ្ចូលគ្នាផ្ដល់នូវអនុភាពម៉ាស៊ីនខ្លាំងប្រសិទ្ធភាពប្រើប្រាស់ប្រេងសាំល្អបំផុតសុវត្ថិភាព និងកាន់តែរីករាយក្នុងការធ្វើដំណើរ។ eSP+ ធ្វើអោយម៉ាស៊ីនដំណើរការបានយ៉ាងល្អ អនុភាពម៉ាស៊ីនកាន់តែប្រសើរ និងជួយកាត់បន្ថយជាតិពុលដល់បរិស្ថាន ។ PGM-FI ប្រព័ន្ធប៊ិចសាំង ជាបច្ចេកវិទ្យាហុងដាពិភពលោកពីប្រទេសជប៉ុនដែលបំពាក់លើម៉ូតូ និងរថយន្ដហុងដា ផ្ដល់នូវថាមពលនិងសមត្ថភាពបើកបរដ៏ល្អឥតខ្ចោះសន្សំសំចៃប្រេងសាំងនិងជួយការពារបរិស្ថាន។ Honda Sensing ជាប្រព័ន្ធសុវត្ថិភាពដែលជួយកាត់បន្ថយនូវហានីភ័យផ្សេងៗ ក្នុងពេលធ្វើដំណើរតាមផ្លូវ។

គុណតម្លៃនៃបច្ចេកវិទ្យារបស់ហុងដា មិនត្រឹមតែទំនើប ឆ្លាតវៃ និងសម្រួលដល់ការរស់នៅប៉ុណ្ណោះនោះទេ ថែមទាំងជួយលើកស្ទួយស្ដង់ដាបម្រើបម្រាស់យានយន្ដល្អដាច់គេក្នុងប្រទេសកម្ពុជាផងដែរ។ ដល់ពេលដែលយើងត្រូវឆ្ពោះទៅកាន់យុគសម័យនៃបច្ចេកវិទ្យាដើម្បីសម្រួលដល់ការរស់នៅក៏ដូចជាជួយជម្រុញអោយសង្គមកម្ពុជារីកចម្រើនជាដរាប។